Reina Beatrix ta yiu mayor di Reina Juliana y tabata Reina di Trono Hulandes di 1980 te cu 2013.
Reina Beatrix ta naci dia 31 di Januari 1938, apesar su fecha di nacemento Reina Beatrix a mantene e celebracion di Aña di La Reina ariba 30 di April.
Durante e temporada di reinado di Reina Beatrix por a ripara cu e actividad di weganan popular, social y deportivo a cuminsa bai atras. Ta bon pa menciona cu den añanan 80 y 90 actividadnan deportivo entre islanan di Aruba y Islanan di Antiyas a crece y a bira popular. Na Aruba e tradicional aubade, desfile di gruponan uniforma y deportivo ta cambia y ta tene esaki ariba Dia di Himno y Bandera, 18 di Maart.
E actividad di weganan popular tambe a cuminsa disminui debi na gastonan halto, falta di interes di organisadornan y falta di interes di publico.
Encuentro deportivo si a continua.
Na school e muchanan di e tempo ey ta liber ariba e dia aki cu ta mas bien un dia oficial cu ta liber.
E muchanan tabata haya un appel y apelsina como un treat pero ta mas bien pa stimula e muchanan pa come saludabel.
Ariba e anochi di Aña di La Reina, Gobernador y Gezaghebber ta organisa Oranjeball pa dignitarionan y invitadonan pa celebra e hacimento di aña di Mahestad Reina Beatrix.
Compila pa Roberto G. Croes
