Directora, Kathy Paskel:
*E peticionnan cu ta mas den demanda ta pa famia
ORANJESTAD (AAN): Directora di DIMAS, Sra. Katty Paskel a duna di conoce cu 2024 tabata un aña caminda tabatin un crecemento grandi den e cantidad di peticionnan. A cera aña cu 17783 peticion y si compara esey cu añanan regular, cu ta core den 15 mil, esey kiermen cu casi a yega 3 mil peticion extra.
Paskel a sigui bisa cu esaki tin di haber cu e necesidad riba mercado. El a agrega cu tin 5559 pa prome peticion registra den 2024, locual ta hopi halto compara cu añanan regular, cu a core entre 2500 pa 3500 pa un prome peticion.
Banda di esaki el a bisa cu hopi di e peticionnan aki ta relata na trabao. 6199 peticion ta pa 'arbeid in loondienst'. Tin 1866 peticion pa empleado domestico y e peticionnan cu ta mas den demanda ta pa famia.
Tabatin 2575 peticion pa 'gezienshereniging', esta reunificacion familiar y pa forma famia na Aruba of un yiu a nace na Aruba cu ta 1630 peticion.
Esaki ta pa ilustra cu e cantidad di peticion cu DIMAS ta atende cu ta creciendo. Si ta pone den porcentahe ta un crecemento di 18.5%.
Kathy Paskel a laga sa cu te dialuna tabatin 13894 peticion cu a haya un contesta, cu por ta un contesta positivo of un contesta negativo. Ainda falta e otro peticionnan pa atende.
