Amelia Elskamp como Miss Teen Americas Aruba 2025 a bay yuda muchanan cu tas

ORANJESTAD (AAN): Recientemente Amelia Elskamp a wordo corona como Miss Teen Americas Aruba 2025. 

Anteriormente el a yega di wordo corona como Miss Youth Aruba 2023.  E ta un persona cu ta gusta yuda su prohimo, pues a traha riba un plan pa yuda muchanan cu tin dificultad pa keda cla cu materialnan pa scol.

   Siman pasa el a keda sumamente contento pa mira con feliz muchanan a keda, ora cu el a haci entrega na nan un Tas pa Scol, conteniendo baki pa pone pan, un boter di thermo, y un estuche yena cu articulonan mas necesario pa scol.

   “Mi a cuminsa cu un proyecto pa yuda muchanan di menos recurso pa habri Aña Escolar cu nan tas nobo. E preparacion tabata uno interesante y tambe great pa experiencia algo diferente y sigur uno cu bo ta hasi bo best pa logra lo maximo.

Wel, tur esfuerzo tin su recompensa. Esaki den forma di hasi curason nan feliz y contento.”

   El a sigui bisa: “Kico mas dushi tin di por duna y yuda un otro den necesidad... di mira otro feliz, ta haci ami tambe hopi feliz.  Pa mi ta sincero, mi a drumi hopi dushi anochi.”

   Amelia a manda gradici Scol di Hunga Mi Pret’i Wowo, Citgo Santa Cruz, Super Shopping, Miss Youth Aruba, Janine Rodriguez, y Jos Kock cu a coopera den tur esaki.  E potretnan pa cortesia di Mtch Production.