Ambiente sin fin durante Parada Grandi na San Nicolas

ORANJESTAD (AAN): E tabata un mainta pa atardi yen di amor, color, gozo, y principalmente ambiente! 

Diasabra mainta pa 11:00 am, e Parada Grandi di San Nicolas a sali for di dilanti Joe Laveist Sportpark.

   E gruponan a sa di start mesora cu bailenan cu inmediatamente a pone mirones banda di caminda drenta den ambiente hunto cu nan.

   Varios roadpiece, bodypiece, y decoracion bunita, cu combinacion perfecto di color, y tempo a comporta su mes adecuadamente henter dia.  Musica a sona bon, y tanto Polis y SMAC a percura pa e parada a core netjes, aunke algun caminda tabata parce cu Polis ta move e gruponan tiki demasiado rapido.

   Riba combinacion di potret por mira mas di e fenomenal actividad di Parada di Carnaval Grandi di San Nicolas.