Ambiente di Pasco na Paseo Herencia

 ORANJESTAD (AAN):  Paseo Herencia ta continua cu su ambiente di fin di aña cu yen di entretenimento y specialnan na nan tiendanan, restaurantnan y cinema.

Durante weekend lo tin ambiente di Gaita ‘Las Unicas’ riba diabierna pa 9or di anochi durante e clausura di e show di Magia di Pasco y tambe riba diasabra pa 8or di anochi. Paseo Herencia tin su Christmas water show tur día pa 7:30pm cu por disfruta di dje. Santa Claus y The Grinch tambe lo ta presente pa tuma bunita potret den famia y amistadnan. Diadomingo lo tin un edicion special di Santa VS The Grinch cuminsando for di 7'or di anochi riba Paseo su plaza y tambe un show di violin riba stage cu canticanan di pasco pa 8'or di anochi.  

Paseo Herencia ta continua cu su campaña di double points via e programa di Paseo Points unda por acumula dobel punto cu cada compra na e tiendanan, restaurantnan y cinema na Paseo Herencia.

Tur anochi tin shopping nights te cu 10or di anochi unda cu por pasa cumpra regalonan di Pasco trankil den un ambiente familiar. Pa mas informacion por subi riba Paseo Herencia su Facebook page of yama na 586 6533.