Alumonan di Scol Basico Xander Bogaerts contento cu nan fin di aña escolar

ORANJESTAD (AAN): Diabierna anochi na Teresita Center na San Nicolas, a tuma lugar e anochi di despedida di tur e alumnonan di 6de Klas di Scol Basico Xander Bogaerts, cu awor ta bayendo pa scolnan avanza.

   Esaki ta prome biaha tambe, cu e scol cargando e nomber di e astro pelotero di Grandes Ligas, ta conoce nan “graduadonan”.  Esey nifica cu mester a traha tur “Getuigschrift” di nobo cu e emblema y tambe nomber di Scol Basico Xander Bogaerts.

   E tabata un anochi cu a bay acompaña pa canto, baile, cuminda, y sigur hopi sacamento di potret.  Tanto e alumnonan como e mayornan a pasa un anochi agradable, y e docentenan tabata feliz tambe pa mira con nan alumnonan awor ta habri hala y bay pa scol grandi.