Alumnonan di Scol Basico Xander Bogaerts a celebra Siman di Festival di Buki pa Mucha

ORANJESTAD (AAN): Festival di Buki pa Mucha ta un momento cu hopi alumno na Aruba ta encanta. 

Pasobra ademas di e enfoke na Biblioteca, varios scol rond di e isla ta ricibi bishita di diferente autor di bukinan, cu ta bin conta un tiki mas di nan trabao.

   Pesey tabata un momento di alegria, ora cu Scol Basico Xander Bogaerts na San Nicolas a celebra Festival di Buki ‘Dushi Cabesura” a ricibi bishita di diferente autor.  Nan forma di conta storia y duna informacion a cautiva e atencion di e alumnonan.  E alumnonan a traha obra di man tambe na honor di e siman aki. Pesey na final nan a duna un monton di danki na e autornan cu a bishita nan, y duna e atencion na nan.

   E alumnonan di Scol Basico Xander Bogaerts a goza, lesa y siña hopi di esaki.

    Lesamento ta algo cu semper lo ta balioso pa tur alumno na Aruba!  Percura pa bo yiu semper tin buki pa lesa na cas.