Alumnonan di Pius X Scol mes a traha nan auto pa ‘Drive In Movie Night’

ORANJESTAD (AAN): E alumnonan di scol basico Pius X Scol na Dakota,

recien a prepara nan mes na forma sublime pa e ‘Drive In Movie Night’ cu a wordo organiza na scol.

   E anochi aki unda a bay pasa e pelicula di Minecraft riba pantaya grandi bao streanan na e scol, a bira un combinacion di expo tambe di e obranan cu cada alumno a traha.  Esta nan a usa caha di carton pa asina re-crea nan mesun ‘auto’, y decora esaki na nan estilo pa mira e pelicula.

   Portanan a habri pa 6:00 pm, y tur hende por a cana rond mira tur e auto cu e alumnonan a traha.  Despues pa 7:00 pm, tur alumno sinta den nan “auto di carton” por a disfruta di e pelicula.  Palabra di pabien na e scol cu e anochi unico aki pa e muchanan.