Alumnonan di Mon Plaisir College HAVO a cuminsa cu nan examen

ORANJESTAD (AAN): Dialuna e prome dia di examen central di e aña escolar aki a start pa scolnan HAVO.  E prome dia esaki tabata pa e vak di ‘Papiamento’.

   Riba Diamars tabatin examen pa Wiskunde A y Wiskunde B.  Aki por mira alumnonan di examenklas na Mon Plaisir College HAVO a yega trempan y tabata den bon animo pa e examen di HAVO cu a cuminsa pa 7:30 am.

   A cuminsa cu un ceremonia pa habri e pakete seya di Examen, y un docente cu yudansa di un alumno a haci esaki dilanti klas.  Despues a sigui e periodo di examen cu a finalisa te 11:00 am.

   Directiva di Mon Plaisir College HAVO ta desea tur alumno participando den examen, hopi exito.  A splica e hobennan cu ya nan a yega basta leu, pues esey ta e motibo principal pa nan keda kere den nan mes, y pasa e ultimo etapa aki cu tur su gloria.