Alumnonan di Maria College a bay enfrenta obstaculonan den naturaleza

ORANJESTAD (AAN): Diahuebs 13 di mei (dia di Ascension) Maria College MAVO a organiza un ‘Nature Obstacle Course’ pa alumnonan di Ciclo Avansa 2.

   E intencion tabata pa e alumnonan ‘recharge’ nan mente y curpa pa asina prepara pa cuminsa cu examen dialuna 17 di mei.

   Docentenan di Maria College MAVO a forma un equipo bou nomber di MCM Hype Squad y a dicidi di acerca Gio Leocadia cu su ‘Reach Your Goal Foundation’ pa guia e programa di dia.

   Alumno y docente a drenta Franse Pas yen di animo pa enfrenta e diferente obstaculonan cu mester a sobrepasa. Cada reto (‘challenge’) a representa e proceso cu e alumno mester pasa aden pa logra su metanan. Mester bisa cu e evento tabatin bon acogida bou di e alumno y docentenan. A enfoca riba trabao den equipo, salud mental, conoce naturalesa y historia di Aruba. E alumno y docentenan a disfruta plenamente di e experiencia.

   E organizadornan ta desea di gradici e equipo di ‘Reach Your Goal Foundation’ pa nan programa sublime, guia experto y bon preparacion. E mainta tabata next level.

   Nan ta desea di gradici e siguiente sponsornan cu a contribui cu Maria College MAVO pa haci e mainta aki extra agradabel: Aruba Aloe Balm y Aruba Tourism Authority. Masha danki pa cuida nos di e rayonan di solo y pa yuda nos stima loke ta di nos.

   Nan ta desea di gradici cada alumno y nan mayor pa nan participacion y cooperacion.   E grupo a mustra un biaha mas boso resiliencia y bon vibes. Boso a haci e mainta aki inolvidabel. Nan ta spera cu lo wanta duro na e recuerdonan aki y uza tur loke boso a experencia como fuel di conocemento pa sigui padilanti.

   Na e docentenan dinamico un danki extra special, boso a yuda guia y anima e gruponan di hoben di un manera fantastico, anto riba boso dia liber.

   Shout-outs na tur colega cu a uni nan mes na MCM Hype Squad y a haci e mainta aki posibel.  Danki na Squad #1: Edmond de Cuba, Robert Figaroa, Rhadyn Croes.  Danki na Squad #2: Ninoushka Lopez Henriquez, Sue-Anne Solognier, Aimee Dirksz, Nadine Murray (Stagiaire NED), Maritza Koolman.

   Tambe danki na Squad #3: Romar Arendsz, Edward Franken, Catherine Ramirez, Natalie Richardson, Gyseth Arends, Sherry Douglas, Sharyl Maduro, Lisette Molenaar, Susette Besselink hunto cu su grupo ‘Get Fit and Dance with Susette’.

   Un shout-out special ta bay pa juf. Ghislaine Hart (GH) cu a busca sponsors pa yuda proteha nos di e rayonan di solo, juf. Susy Tromp cu a sostene nos cu un ‘EHBO post’ riba e ruta, juf. Yazmira Tromp (YT) cu a sostene nos cu un ‘water post’ na comienso y final di e ruta y juf. Benita Ras (RB) cu a reenforsa e team durante e prome parti di e mainta.

   Esaki tabata e prome salida di MCM Hype Squad. Nos ta satisfecho y ta spera cu den futuro nos por sigui presenta eventonan similar na nos alumnonan. 

   Un danki di curason den nomber di Comishon Actividad CA-2, Juf. Dayenne Valdink (DV) y tambe Juf. Jaci-Rose Stamper (ST).