Alumnonan di Facultad OGM di Universidad a haya monton di informe di Setar

ORANJESTAD (AAN): SETAR ta colabora ya pa algun aña cu e facultad di Organization, Governance and Management (OGM) di Universidad di Aruba.

  Esaki ta inclui un bishita di orientacion di e studiantenan di e prome aña di OGM, ta haci na Setar NV.

   Nan bishita ta encera un tour di e compania, y ademas ta ricibi un ‘gastcollege’ di e Training Manager di e compania, esta Christel Croes riba e parti di teoria.

   Durante e bishita na Setar NV como compania nacional di telecomunicacion, e studiantenan a haya presentacion di e departamento di Mercadeo, a haya sa mas di e sistema di Pay.aw, IT Applicaties y Inkoop & Logistiek pa haya un bista di con e departamento ta hinca den otro y kico ta e trabaonan di tur dia.

   Gerencia di Setar NV ta indica cu como compania ta importante pa aporta continuamente na engrandece e conocemento di studiantenan door di intercambia informacion y comparti experiencia.