Alumnonan di EPB na Aloe Restaurant a honra Ministro cu excelente almuerzo y servicio

ORANJESTAD (AAN): Siman pasa, Minister Endy Croes tabata invita pa un “3 course lunch” prepara pa e alumnonan di EPB na Aloë Restaurant.

E almuerzo aki ta pa brinda e studiantenan oportunidad pa practica tur e tecnicanan cu nan a siña relaciona cu trabao den un restaurant.

   Bao guia di nan docentenan, e alumnonan mes a cushina, prepara y sirbi e cuminda. E menu tabata consisti di un aperitivo; Carpaccio with house salad, plato principal: Skirt steak with chimichurri, home – made fries & grilled asparagus, como dessert: brownie with caramel ice cream acompaña cu un coffie of te.

   Na final di e merdia ameno, Minister Endy Croes a haya un recorido den e cushina di Aloë Restaurant, unda el a felicita e alumnonan pa cushina un sabroso cuminda plato. Mester añadi cu pan cu a  worde sirbi, a worde traha pa e alumnonan mes.

   E mandatardio a expresa: cu e alumnonan ta hopi bon prepara, nos a keda inspira y motiva di loke a presencia. Finalmente, Minister Endy Croes ta manda palabranan di pabien na tur alumnonan, un tremendo cuminda y excelente servicio. Danki directiva di SEPB pa e invitacion y danki na director, Sr. Erwin Lopez y tur docente pa prepara e alumnonan asina bon pa asina nan por drenta den mercado laboral y/of continua cu nan estudio.