Alumnonan di Colegio Conrado Coronel a bisti di roos

ORANJESTAD (AAN): Luna di October ta e luna di concientizacion pa cu cancer di pecho.

  Un momento special unda grandi y chikito por apoya e lucha aki, door di trece constante atencion riba e “Breast Cancer Awareness Month”.

   Esey ta loke docentenan na Colegio Conrado Coronel a haci tambe.  Riba Diabierna nan tur, incluyendo alumnonan a bisti na roos pa asina uni nan mes na e lucha contra cancer di pecho.  Di e forma ey ta crea concientizacion y brindando aporte na tur esnan cu ta lucha contra cancer di pecho, tambe esnan cu a sobrevivi, y recorda esnan cu a bay laga nos.

   Mayornan a percura pa e alumnonan a yega scol bisti na Roos, y asina a para hunto pa trece e mensahe di speransa y resiliencia.