-ORANJESTAD (AAN): Awor diripiente a bin haya sa cu Bouwkunde y Werktuigbouw, lo no ta lesnan cu ta bay wordo ofreci mas na sector ciencia y tecnologia na Colegio EPI.
Y esaki ta un decision ad hoc, pasobra na October 2021 keto bay tabatin tur indicacion cu el esnan aki ta wordo ofreci normal.
Ta durante un “Anochi” special pa mayor- y decanonan siman pasa cu a bin cu e bom aki dilanti. Siendo cu ya tin hopi alumno di EPB y tambe di MAVO cu ta den eindexamen y ya a tuma nan decision ki rumbo nan ta aplicando pe na Colegio EPI pa aña escolar 2022-2023.
E decision aki aparentemente a wordo tuma sin tene cuenta cu e ta bay afecta drasticamente un cantidad di alumno cu ta e dianan aki preparando pa nan examen, cu e vision pa aki algun luna cuminza na Colegio EPI pa tal estudio.
E lesnan pa Electro si lo sigui, pero e cupo lo wordo reduci drasticamente. Ademas hopi hende ta puntrando, si tabata corecto pa net 1 siman prome cu eindexamen, ta haci e anuncio aki.
Colegio EPI a mustra cu porfin despues di hopi demanda, decision a cay cu nan ta bay pone les di ICT Opleiding si awor na e scol, pero e anuncio aki lo a bin demasiado laat pa algun.
Hopi lo cuestiona si ta bon pa enseñanza na Aruba stop cu net e vaknan aki cu ta algo cu por yuda futuro di e isla.
Tin indicacion cu Colegio EPI lo kier stop cu e Opleiding di Apothekersassistent tambe, pero no a haya confirmacion di esey.
