BRIDGETOWN: Mientras cu otro islanan tin hendenan ancioso pa vacuna pa asina nan por cuminza ricibi turistanan bek,
awor por mira cu algun cien habitante di Barbados a subi caya di Bridgetown pa protesta contra e plan di vacuna obligatorio.
“No vaccine!” tabata loke algun hende cu pancarta tabata grita. Mayoria di nan tabata bisti na blanco. Despues di esey un religioso di Nation of Islam a duna un discurso, y despues Polis a pidi e grupo di hendenan pa nan bay bek cas.
Barbados ta pensa di bin cu ley unda ta obliga tur hende di tuma vacuna contra Covid-19. Tambe ta pensando riba posibilidad pa haci test obligatorio pa check si tin Covid-19 virus.
Mientras tanto, Procurador General di Barbados, esta Dale Marshall a ser ordena pa duna Gobierno cu un opinion legal riba e asuntonan criminal y civil asocia cu vacuna obligatorio.
