Cuida bo mascota!
ORANJESTAD (AAN): Diabierna a circula informacion cu na Piedra Plat ta experenciando un situacion preocupante relaciona cu venenamento cu ta pone den riesgo cualkier bestia of mascota.
Segun datonan recien, algun hende a nota casonan di pushinan venena den becindario di un lugar di taira. Ta un situacion tristo y preocupante, y ta bon pa tene cuenta cu esaki y pone extra atencion.
Ta recomenda pa:
- Mantene bo cacho of pushi den cas of cerca di bo propiedad. No laga nan bay keiro riba caminda.
- Pidi ayudo si bo ta sospecha cu un pushi of un cacho a wordo venena. Busca lihe un veterinario si bo ta nota sintomanan sospechoso.
Kier recorda cu pone veneno pa daña animalnan no ta solamente un acto di crueldad, pero tambe peligroso pa comunidad completo. Ta un acto cu no tin luga na nos isla.
Ta spera cu e personanan cu ta envolvi ta reconsidera nan accionnan, pasobra ningun famia mester pasa e dolor di perde un mascota pa algo asina cruel.
Si bo tin informacion tocante e situacion aki, ta bon pa tuma contacto cu polis pa asina preveni mas caso sigui sosode.
Duna pa bo pushi of bo cacho un brasa extra awe, y cuida nan bon.
