Alani D’Aguiar ta representa Aruba na Orlando Fashion Kids 2025

ORANJESTAD (AAN): The Chaz Modeling & Talent School ta orguyosamente anuncia cu e modelo hoben Alani D’Aguiar

a ser selecta pa representa Aruba den Orlando Fashion Kids 2025, un di e evento di moda mas importante pa mucha y adolescente na nivel mundial.

   E evento ta tuma lugar cada aña na Orlando, Florida, y ta trece modelonan y diseñadornan hobennan for di tur parti di mundo. Orlando Fashion Kids (OFK) ta duna e participantenan diferente workshop di entre otro photoshooting, make-up, public speaking, y un experiencia profesional riba catwalk y e oportunidad pa sigui desaroya nan confianza, creatividad y exprecion personal.

   Tur aña, The Chaz Modeling & Talent School ta selecta entre su alumnanan mas prominente pa representa Aruba den e evento internacional aki. A traves di un programa moderno, Chaz Models ta yena su modelonan cu confianza propio, elegansia riba pasarela y abilidatnan profesional cu ta sirbi pa bida tambe.

   Nan ta hopi orguyoso di Alani y e experiencia aki lo yuda Alani crece no solamente manera modelo, pero tambe manera un hoben cu confianza y determinashon.”

   Cu Alani ta participa den Orlando Fashion Kids 2025, Chaz Models ta continua duna e hubentud Arubiano oportunidad pa bria internacionalmente, representando orguyo y talento di nos isla.

Por sigui Alani y OFK2025 riba facebook y instagram, na unda cu e proximo diasabra lo ta e dia di e desfile di moda.