ORANJESTAD (AAN): E organizacion local di GLW Foundation ta bay presenta un ‘Curso di Pasarela’ cu instructor international Hector Moreno.
Un curso cu lo yuda e ser humano, crea mas confianza den bo mes.
E curso lo bay ta dianan 15, 16, 17 y 18 di Augustus. GLW Foundation ta conoci na Aruba como e organizadornan di Miss Teen Aruba International, Thick Madame y Turismo Mundial lo tin instructor di pasarela internacional Hector Moreno na Aruba pa asina duna algun curso di pasarela pa tur esnan interesa den tuma e curso aki.
E curso aki por worde tuma pa mucha, hoben y adulto. Aparte di e curso di pasarela aki tambe lo tin Photo Pose, Comportacion Social, Modelahe Basico y Profesional y tambe Expresion Corporal, Dominio di Sapato, Bahamento di Trapi. E curso lo tin un duracion di 1 ora y mei y lo tin un costo asocia na dje.
Durante curso lo tin refreshments y na final tur cursista lo ricibi nan certificado di participacion. Cuponan lo bay ta limita.
E curso aki ta yudabo pa bo tin mas confianza den bo mes y kizas conoce tambe un poco mas di e mundo di beyesa.
