ORANJESTAD (AAN): Informacion ricibi di Hulanda, ta cu aki algun dia un delegacion di Parlamento di Aruba lo ta haciendo bishita di trabao na Hulanda.
Parlamentarionan a expresa nan deseo di bay topa cu e studiantenan Arubiano.
Di e forma ey nan lo kier topa cu e studiantenan, pa asina hiba combersacion cu nan y scucha nan riba e ultimo desaroyonan tanto na Aruba y na Hulanda, y cu e studiantenan mes por duna indicacion ki problema nan tin, of kico e retonan mas grandi pa nan ta aworaki.
Esnan cu kier topa cu e Parlamentarionan aki, tuma nota cu esaki lo socede Diaranson 24 di September 2025, for di 5:30 pm te cu 7:30 pm na De Haagse Hogeschool, den lokaal RZ 3.01 Esaki ta situa na Johanna Westerdijkplein 75, 2521EN. Esaki ta na Den Haag.
Si bo kier ta presente, bo tin di registra di antemano. Haci esey via un email na:
This email address is being protected from spambots. You need JavaScript enabled to view it.
Di e forma ey bo ta sigur di lo ta presente pa topa cu e Parlamentarionan.
