Minister di Enseñsa, Gerlien Croes:
ORANJESTAD (AAN): Minister di Enseñsa, Gerlien Croes recientemente a duna di conoce cu na comienso di su maneho di e cartera aki, el a ricibi un rapport riba un investigacion cu a wordo haci di un situacion cu a lanta preocupacion. Ta trata aki di un proyecto cu a bay completamente robes. E rapport aki, ta den man di autoridadnan concerni pa investigacion. E minister a informa cu no tin detaye con e proceso di investigacion ta bayendo pero si el a hiba dialogo cu directie di EPI.
Minister Croes a remarca cu el a comparti cu e scol tambe cu nan mester percura pa garantisa cu e proyecto aki keda finalisa cu ya cuatro luna pasa mester tabata e caso. EPI mester garantisa cu nan tin e espacio pa caba cu e proyecto. Ainda ministerio no a ricibi e informacion aki di EPI.
Mientras tanto, e minister a inidca cu e ta pendiente di e resultado di investigacion di autoridadnan concerni pa sa kico lo sigui, como tambe riba EPI pa duna mas claridad di con tin retraso si tin medionan financiero pa finalisa e proyecto.
Minister Croes a duna di conoce, cu pa e motibo aki tambe, inspectie y Ministerio di Enseñansa a duna recomendacion pa haci un investigacion por lo general na EPI, cu actualmente ta canando su curso, pa na final haci e cambionan cu mester ser haci.
