AHATA Ocupacion y RevPAR ta recuperando pero promedio di 2022 ta menos cu 2019

ORANJESTAD (AAN): Aruba Hotel & Tourism Association (AHATA)  ta acumula e cifranan di ocupacion y prijs di hotelnan tur luna,

y CEO di AHATA, Tisa LaSorte, ta raporta cu grado di ocupacion y balor averahe di cada camber ta sigui recupera na Juli.

   Sinembargo, e promedio di prome 7 luna di 2022 ainda no a yega nivel di 2019.

   JULI 2022: Pa luna di Juli 2022, e dato di ocupacion ta como lo siguiente.  upacion: E grado di ocupacion tabata 82%; representando un recuperacion di 93% compara cu nivel di ocupacion na 2019.

   Tirando un bista riba ADR, esaki ta mustra como lo siguiente.  E balor promedio di cada camber bendi tabata $ 297.16, cual ta 20% mas cu na 2019.

   Ora di check e RevPAR: E entrada promedio pa tur camber disponibel tabata $244.24, cual ta un aumento di 11% compara cu RevPAR di Juli 2019.

   Ora di check e promedio di e prome 7 lunanan di 2022, ta mira cu e ocupacion ta mustra cu e promedio di e prome 7 luna tabata 73%; un reduccion di 16% compara cu 2019.

   Pa e ADR: E balor averahe di cada camber bendi tabata $313.45, cual ta 7% mas cu mesun temporada na 2019.

   Pa RevPAR: E entrada averahe pa tur camber disponibel tabata $227.96, cual ta 10% menos cu RevPAR di prome 7 luna di 2019.

  Proyeccion:  Ta proyecta un recuperacion di 92% pa luna di Augustus y expectativa pa ful aña 2022 ta un recuperacion di 88% compara cu ocupacion di 2019.

   TIMESHARE:  Segun Tisa LaSorte di AHATA,  ora di tira un bista den e sector di Timeshare na Aruba, ta mira cu e ocupacion na propiedadnan Timeshare tabata 87% na Juli.