AHATA a registra aumento di 6% di nan RevPar pa Maart

ORANJESTAD (AAN): E asociacion AHATA, esta Aruba Hotel & Tourism Association ta acumula e cifranan di ocupacion y prijs di hotelnan tur luna y CEO di AHATA, Tisa LaSorte,

ta raporta cu den luna di Maart e grado di ocupacion ta menos cu 2019, pero e balor averahe di cada camber bendi a aumenta y consecuentemente e RevPAR ta mas halto. 

   Cifranan di Maart 2023: Tirando bista pa luna di Maart, a nota cu den sector di ‘Ocupacion’, e grado di ocupacion tabata 84%; cual ta 7% menos cu grado di ocupacion na Maart 2019.

   Tirando bista den sector ‘ADR’, e balor promedio di cada camber bendi tabata $382.19; un aumento di 14% compara cu Maart 2019.

   Encuanto e RevPAR: E entrada promedio pa tur camber disponibel tabata $320.75 cual ta un crecemento di 6% compara cu Maart 2019. RevPAR ta e indicador principal di e resultado financiero prome cu desconta gastonan operacional y impuesto.

   Proyeccion: Proyeccion actual pa ocupacion averahe di hotel pa April ta 78%, Mei ta 74%, y Juni ta 74%.

   Den e sector di ‘Timeshare: Segun AHATA, e cifranan pa cu ocupacion na propiedadnan Timeshare tabata 90% na Maart.

   Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Embassy Suites by Hilton Aruba, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Radisson Blu Aruba, Rehoboth Peaceland Boutique Hotel, Renaissance Wind Creek Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel. 

   Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club, The Mill Resort.

   Vacation rental miembro di AHATA: Aramis Real Estate, Aruba’s Life Vacation Residences, Casiola Aruba, Cobalt Blue Fusion (Blue, Azure), Ford Property Management, Turibana Plaza, Santa Lucia Landhuis.