Agricultornan di Aruba dunando cara na Conferencia di DCALFA

ORANJESTAD (AAN): Tabata Diamars cu Minister Heyliger-Marten, encarga cu Turismo, Asunto nan Economico, Transporte y Telecomunicacion pa e isla di St. Maarten,

a hasi e apertura oficial di e DCALFA Conference 2026. Tambe ta conta cune presencia di Minister Boekhoudt di Corsou, kende ta encarga cu Sector Primario.

   Sra. Nathalie Maduro di Santa Rosa na Aruba, tambe a presenta e ultimo desaroyo y logro nan cu e alliansa a logra for di su comienso na 2022. Sigur un logro grandi pa e Sector Primario di nos e 6 isla nan ruman.

   Ta un orguyo pa mira e productonan local di Aruba, kendenan a presenta na e DCALFA Conference, compartiendo nan experticio y practica nan duradero cu e otro participantenan di e otro isla nan y na e invitado nan di Hulanda cu ta presente.  Hopi pabien na Jair Britten, Daryl Koolman y Sherman Libiee, cu a haci un bon presentacion.

   E Conferencia di DCALFA aki ta bay contene dialogo, colaboracion, actividad riba veld, y discusionnan enfocando riba reglanan, riba e futuro di agricultura, cria, y pesca, y siguridad di alimento den Caribe Hulandes.  Tur esaki pa yuda cu resiliencia economico, siguridad di alimento, sostenibilidad, y desaroyo di termino largo.