Aeropuerto di Aruba ta lidera den eficiencia y siguridad cu control di inmigracion

Minister di Husticia Arthur Dowers

ORANJESTAD (AAN):  Minister di Husticia Arthur Dowers, hunto cu Inmigracion Aruba, a ricibi Minister di Husticia di Sint Maarten pa un presentacion strategico riba e sistema moderno cu na Aruba ta implementando na aeropuerto. E encuentro aki ta confirma e posicion di Aruba como lider regional den innovacion, siguridad y eficiencia den proceso di entrada y salida di pasaheronan.

Durante e presentacion, a enfoca riba e sistema RADEX, cu ta opera na e puntonan di control di inmigracion y tambe na e-gates. E sistema aki ta permiti un proceso rapido, sigur y confiabel, reduciendo tempo di espera y fortificando control di frontera di forma strategico.

Despues di e puntonan di control di entrada di inmigracion, e delegacion a continua cu un bishita na area di US CBP preclearance. Aki nan a haya un splicacion di e sistema integra cu ta procesa miles di pasahero cu destino Estados Unidos tur dia. E proceso aki ta inclui tecnologia manera APIS/ATS/TECS, Global Entry y sistemanan biometrico, cu ta acelera e fluho di pasaheronan, specialmente pa ciudadanonan Americano.

Un elemento importante den e presentacion tabata e recien inversionnan haci na Aeropuerto Internacional Reina Beatrix como parti strategico di e plan Gateway 2030. Aruba a implementa un sistema central di maneho di ekipahe completamente automatisa, eliminando un paso importante den entre otro e proceso di preclearance y haciendo e proceso completo altamente eficiente. Pasaheronan cu destinacion Merca no tin cu recoge nan maletanan mas prome cu pasa CBP; e maletanan ta pasa pa control segun normanan di screening di CBP y ta bay directo pa almacenamento te ora di subi esakinan riba avion.

E integracion di e sistema di ekipahe cu e sistema di screening di pasahero a resulta den un mehoracion remarcabel den eficiencia. Den practica, rijnan den e area di preclearance a bira minimo, casi no existente, loke ta mehora experencia di biahe di forma significativo.

E presentacion a culmina cu un recorido den e facilidad nobo di maneho di ekipahe, cu ta inclui tecnologia di siguridad di ultimo generacion y dos fase adicional di screening cu ta cumpli cu normanan internacional.

Gobierno di Aruba ta sigui enfoca riba inversion strategico den infrastructura y tecnologia pa garantisa un frontera moderno, sigur y eficiente. E direccion aki no solamente ta fortalece control, pero tambe ta posiciona Aruba como un hub confiabel y competitivo den region.

----- 

De luchthaven van Aruba herdefinieert de grenscontrole: innovatief, veilig en efficiënt

Donderdagmiddag hebben minister van Justitie Arthur Dowers, samen met Inmigratie Aruba, de minister van Justitie van Sint Maarten Nathalie Tackling ontvangen voor een strategische presentatie over het moderne systeem dat Aruba implementeert op de luchthaven. Deze ontmoeting bevestigt de positie van Aruba als regionale leider in innovatie, veiligheid en efficiëntie in het proces van in- en uitreizen van passagiers.

Tijdens de presentatie lag de focus op het RADEX-systeem, dat opereert bij de immigratiecontrolepunten en ook bij de e-gates. Dit systeem maakt een snel, veilig en betrouwbaar proces mogelijk, vermindert wachttijden en versterkt op strategische wijze de grenscontrole.

Na de immigratiecontrolepunten heeft de delegatie een bezoek gebracht aan het US CBP preclearance-gebied. Hier kregen zij een uitleg over het geïntegreerde systeem dat dagelijks duizenden passagiers met bestemming Verenigde Staten verwerkt. Dit proces omvat technologieën zoals APIS/ATS/TECS, Global Entry en biometrische systemen, die de passagiersstroom versnellen, vooral voor Amerikaanse burgers.

Een belangrijk onderdeel van de presentatie waren de recente investeringen op de Queen Beatrix Airport als strategisch onderdeel van het Gateway 2030-plan. Aruba heeft een centraal, volledig geautomatiseerd bagageafhandelingssysteem geïmplementeerd, waarmee een belangrijke stap in onder andere het preclearanceproces is geëlimineerd en het totale proces zeer efficiënt is geworden. Passagiers met bestemming Amerika hoeven hun bagage niet langer op te halen vóór de CBP-controle; de bagage wordt volgens de CBP-screeningnormen gecontroleerd en gaat rechtstreeks naar de opslag tot het moment van laden in het vliegtuig.

De integratie van het bagagesysteem met het passagiersscreeningsysteem heeft geleid tot een opmerkelijke verbetering in efficiëntie. In de praktijk zijn wachtrijen in het preclearancegebied minimaal, vrijwel nihil, wat de reiservaring aanzienlijk verbetert.

De presentatie werd afgesloten met een rondleiding door de nieuwe bagageafhandelingsfaciliteit, die is uitgerust met de nieuwste beveiligingstechnologie en twee extra screeningsfasen die voldoen aan internationale normen.

De regering van Aruba blijft zich richten op strategische investeringen in infrastructuur en technologie om een moderne, veilige en efficiënte grens te garanderen. Deze richting versterkt niet alleen de controle, maar positioneert Aruba ook als een betrouwbaar en concurrerend knooppunt in de regio.