ORANJESTAD (AAN): Diahuebs mainta Aruba Economic Development Alliance (AEDA) a tene un conferencia di prensa y a splica cu un di nan metanan principal ta pa stimula e comunidad di San Nicolas pa por tin nan mesun negoshi.
Esaki por stimula e economia di San Nicolas, un fundacion economicamente diversifica, ta subi entrada di famianan, ta trece orguyo pa cu e comerciante y su famia y ta pone un bon ehempel pa futuro generacionnan, cu nan tambe por haci mescos y tin nan propio tienda.
Sr. Mark Levine como CEO di AEDA cu tin un experiencia den desaroyo economico den Caribe pa mas cu 40 aña, ta lidera e organizacion hunto cu un team local cu ta inclui COO Jimmy Mijer.
Durante e conferencia di prensa Mijer y Levine a splica cu AEDA ta un instancia priva cu su propio fondo.
Pa identifica kico comunidad di San Nicolas kier, a haci un sondeo extensivo.
For di esaki algun deseo a wordo identifica cu AEDA lo por yuda comunidad cune.
Hunto cu comunidad a crea un proyecto cu lo asisti cu lo siguiente;
*Aruba falta producto di diferente cultura cu ta representa nan Herencia
* Deseo pa por tin propio negoshi
* Conocemento con pa maneha negoshi
* Gasto y huur halto pa por maneha un tienda ta stroba progreso
* Mas oportunidad pa yega na fondo pa inverti
* Revitalizacion di Main Street San Nicolas
Stimula negoshi chikito ta primordial pa economia por desaroya. Esaki lo yuda cu;
*Boost economia di San Nicolas
* Crea un base pa un economia diversifica
* Aumenta entrada di comunidad di San Nicolas
* Subi e orguyo di e famianan di e doño di tienda
*Ta un ehempel pa futuro generacion tambe bira comerciante
* Crea mas oportunidad den Centro di San Nicolas
Abase di sondeo na San Nicolas a realiza cu e comunidad ta desea cu lo por tin mas productonan
di nan cultura di origen.
Esaki a trece tambe pa dilanti cu pa por realiza esaki lo mester tin oportunidad pa e comunidad di San Nicolas por habri nan tiendanan.
Abase di e combinacion aki AEDA a crea e proyecto di Aruba Cultural Malls.
E proyecto ta encera compra di dos edificio den
centro di San Nicolas cu lo wordo renova y wordo uza como un mall pa tienda chikito.
Mijer y Levine a trece dilanti tambe cu AEDA ta den tramite pa cumpra un tercer edificio.
E proyecto di Aruba Cultural Malls ta funda priva y
Levine ta e unico inversionista.
El a splica cu su motibo pa inverti den San Nicolas ta e hecho cu hunto cu AEDA e ta kere den e potencial di San Nicolas.
Pa e proyecto por funciona y duna oportunidad na comunidad di San Nicolas, AEDA lo ofrece huur
hopi abou pa asina un shop owner potencial por tin oportunidad real por habri su mes un negoshi.
Pa logra di baha e prijs di huur a dicidi di reduci e ganashi pa asina por logra su meta. E proyecto aki
lo produci ganashi pero den un forma sostenible.
Gobierno di Aruba a responde positivo riba e proyecto y a ofrece pa asisti unda cu por.
Prome cu fin di aña lo cuminsa renobacion riba e prome edificio cu ta ex Cosecha. E main mall lo
termina mitad di 2024y mas tarda prome cu fin di 2024.
{gallery}AEDA ta presenta Aruba Cultural Malls, un proyecto cu confianza den San Nicolas{/gallery}
