Entrante 25 Augustus 2025
ORANJESTAD (AAN): Departamento di Aduana ta continua cu pasonan pa digitalisacion di nan procedimentonan y servicio na pueblo.
Un di e pasonan aki ta encera e procedimento pa entrega di un obhecion (bezwaar) cual lo sosode digital via e website di Aduana entrante dialuna 25 augustus 2025. Clientenan por entrega un bezwaar na momento cu nan no ta di acuerdo cu e decision of accion di Aduana door cu nan tin e derecho pa haci esaki.
Simplemente, clientenan ta subi riba e website di Aduana, esta douane.aw
Si bo kier bay directo na e formulario, e ora bay na e website aki:
Aki bo ta yena e formulario di bezwaar. Lo trata e bezwaar internamente y comunica na e cliente den e termino cu ley ta indica. Si e cliente no ta di acuerdo cu e decision riba e bezwaar, e por haci un apelacion (beroep) na Corte di Prome Instancia.
Clientenan mester tene na cuenta cu entrante 1 november 2025 Aduana no lo acepta bezwaar mas via papel of e-mail.
Aduana ta pidi tur cliente pa tuma nota di e informacion comparti. Pa mas informacion of pregunta por tuma contacto cu Aduana na 523-8888 of manda un email na This email address is being protected from spambots. You need JavaScript enabled to view it.
