Addonsito tabata e MC di e graduacion di Maria School

ORANJESTAD (AAN): Den Piedra Plat Entertainment Center a tuma luga e graduacion 2025 di Maria School na Santa Cruz.

E tema e aña aki tabata “Out A here”.  Tawata cabesante juffrouw Jahaira Marugg esun cu den su speech a gradici cada mayor y alumno pa e confiansa deposita den Maria school tur e añanan. Tambe el a desea tur graduado hopi exito na nan scol secundario.

E dj tabata Dj Rudia for di Hulanda y mc Addonsito Croes. Tur mayor y invitado a disfruta y despues di un dushi plato e diplomanan tawata entrega.

Meneernan Marvin y Franklin di klasnan 6a y 6b por ta orguyoso di cada alumno cu den nan ultimo aña na Maria school a sa di guia nan cu cariño y exito.