Acto di vandalismo cometi contra e wayanan di 'fiber optic' di Setar

Comercio, banco, diferente departamento di gobierno a paralisa

ORANJESTAD (AAN):   Diabierna tabata tin un caos pa loke ta acceso na cierto servicionan esaki relaciona cu un acto di vandalismo cu a afecta entre otro negoshi, departamentonan di gobierno, banco, entre otro.

SETAR a informa tempran cu tur nan clientenan tabata experenciando interupcion di servicio di fiber pa motibo di un acto di vandalismo cu a sosode na Oranjestad, specificamente na Seroe Blanco.

Esaki a trece cu ne cu hopi negoshi y departamentonan manera Departamento di Impuesto, Elmar, WEB, banco, etc a confronta problema cu nan comunicacionnan principalmente den e area di Oranjestad, aunque por a constata cu tambe San Nicolas a raporta algun problema.

Relaciona cu e incidente aki, Setar NV a acerca Polis pa asina inicia un investigacion pa logra gara esnan cu por a comete e acto di vandalismo den nan red di 'fiber optic'.

Door di e investigacion lo por saca afo di esaki tabata algo premedita ocasiona pa un red criminal of pa un acto esporadico.

Den oranan di atardi, personal di Setar NV a logra conecta e wayanan di Aruba Bank caba bek, y a sigui pa sigui pone tur e otronan tambe riba e linea cu a wordo kibra.