ORANJESTAD (AAN): Recientemente a tuma lugar e asignacion oficial di Vertrouwenspersonen Integriteit (VPI) y di Interne Onderzoekers(IO), bou direccion di Bureau Integriteit Aruba (BIA).
Hunto, VPI's y IO's ta forma un papel crucial den salvaguardia e integridad di nos institucionnan gubernamental. Contribuyendo den e creaccion di un ambiente di trabao sigur y faborabel pa tur empleado.
E Vertrouwenspersoon Integriteit ta brinda sosten y guia confidencial na esnan cu ta enfrenta desafionan of dificultadnan den e ambiente laboral y den nan trabao. Nan presencia ta brinda cada empleado e oportunidad pa worde scucha y ricibi e asistencia cu nan mester, promoviendo asina un cultura di respet y colaboracion.
E Interne Onderzoekers ta hunga un rol vital den proteha integridad y reputacion di nos institucion. Nan ta encarga cu investiga posibel violacion etico of conductonan inapropia, pa asina medidanan worde tuma, pa mantene e confianza di nos empleadonan y nos comunidad den nos gobierno.
Ministro Ursell Arends tabata presente durante e acto oficial aki.
