Actividad Buki di Pret: Caminata den naturalesa cu Gobernador Boekhoudt

ORANJESTAD (AAN): E zomer aki pa di dos aña consecutivo a publica ‘Buki di Pret’ na Aruba: un buki cu diferente actividad cu muchanan por inscribi p’e den vakantie grandi.

Gabinete di Gobernador di Aruba e aña aki a organisa dos caminata den naturalesa na Spaans Lagoen. Na ambos un grupo di 15 mucha por a participa.

            Durante e caminata Gobernador Boekhoudt y rangernan di Arikok National Park a duna splicacion tocante e naturalesa den e area. E Ayudante di Gobernador tambe a acompaña e grupo.

Riba dialuna 11 y diahuebs 14 di juli e caminata a cuminsa na Balashi Gold Mills. Durante e excursion den e ‘wetland’ protegi di Spaans Lagoen e muchanan a siña con pa identifica mata y palonan local.             Algun tipo di vegetacion den e area cu a cana door di dje ta endemico. Otronan ta riba e lista di especienan den peliger di extincion di ‘International Union for Conservation of Nature’.

            Gobernador a conta e muchanan tambe tocante areanan di palo di mangel rond di brug y tocante esfuerso di restauracion di naturalesa pa atende cu e impacto di actividad humano.

            Riba e combinacion di potret por mira un impresion di e caminatanan. 

Potret: © Kabinet Gouverneur Aruba