ORANJESTAD (AAN): Kinder- en Jeugdpsycholoog Achanty Thomasa a lanza su buki 'Pa semper den mi kurason’
cu ta skirbi pa muchanan di 7 te cu 12 aña cu ta pasando den e proceso di luto despues cu un ser keri di nan a fayece.
Recientemente el a haci entrega di e buki na director di Biblioteca Nacional, Astrid Britten.
El a conta cu un mucha no sa con deal cu proceso di luto na e manera corecto. Consecuentemente nan por bira agresivo, perde interes den varios actividad y nan prestacion na scol ta bay atras. Tin biaha mayornan tambe ta den nan dolor y no sa con yuda nan mes te pa yuda nan yiunan. E pa e motibonan aki, el a dicidi di skirbi e buki.
E meta di e buki ta pa muchanan reconoce cu no ta nan so ta di luto. Esaki por alivia e proceso di luto. E ta tambe pa mucha y mayor por haya guia den e proceso di luto. E autor a enfatisa tambe pa e buki ta na Papiamento, como cu e topico ta delicado y ta importante pa e ta den e mucha su idioma materno.
