ACF ta buscando trahadonan cu tin pasion pa naturalesa y su conservacion

Tyson Lopez di ACF Parke Arikok:

ORANJESTAD (AAN): Aruba Conservation Foundation ta un organisacion independiente cu ta cuida y proteha naturalesa di Aruba, incluyendo Parke Nacional Arikok. Nan ta promove sostenibilidad, educacion y conservacion pa preserva biodiversidad y sigura cu recursonan natural ta keda pa futuro generacionnan. E parke ta ricibi hopi bishita pa aña di tanto hende local como turista, cu ta fortalece consciencia ambiental. 

Señor Tyson Lopez di ACF- Parke Arikok den un entrevista recien a remarca cu durante añanan cu a pasa, e responsabilidadnan a aumenta. A bin acerca areanan nobo entre otro e parke maritimo cu a haci cu mester a restructura e organisacion y a bin funcionnan nobo acerca cu a crea tambe cupo nobo di trabou. 

Segun señor Lopez, actualmente ACF ta buscando trahadonan pa yena e funcionnan primordial aki cu mayoria biaha lo ta den e veld pa reenforsa e ekipo den e veld. El a expresa cu actualmente tin oportunidad pa esnan cu ta interesa pa controbui den conservacion di naturalesa y proteccion di diferente area, pa aplica pa e funcionnan aki. 

Actualmente, el a agrega, ta buscando rangers como guia di e bishitantenan na e parke pero tambe ta buscando rangers di conservacion. E ultimo aki ta haci e diferente proyectonan di conservacion y tambe controla e diferente areanan den e parke. 

Si bo tin pasion, y gana pa traha pa naturalesa y ta comprende loke e trabou ta encera, trahando den solo entre otro, tin mas di 18 aña, permiso legal, y ta domina Papiamento, Spaño, Ingles y Hulandes, bo por solicita. Por haya tur informacion riba medianan social y por manda email na This email address is being protected from spambots. You need JavaScript enabled to view it.. Por manda tambe open solicitatie, y lo tuma contacto cu bo pa wak cua vacatura lo ta miho pa bo. Ultimo dia pa solicita ta awe, 16 di april.