ORANJESTAD (AAN): Recientemente president di Asociacion HAVA, esta di Docternan di Cas na Aruba,
pues Dr. Joaquin van Trigt a haci un presentacion via un video conexion na e evento anual di AMA (Asosiashon Mediko di Antiyas), esta Caribbean Healthcare Symposium.
Den 2023 e focus tabata riba e tema "Back to the islands".
Dr. van Trigt a forma parti di un grupo di specialista laborando den e sector di medicina y cuido di Caribe Hulandes.
Durante e evento aki, Dr. Joaquin van Trigt a splica entre otro e beneficionan y retonan pa un docter di cas cu kier bin traha na Aruba, kico ta e posibilidadnan entre e islanan, unda por haya informacion tocante vacaturanan, e estudio pa bira dokter di cas na Aruba (acredita segun standard Hulandes) y mucho mas. A mustra cu Aruba tin scarcedad di Docter di Cas, y a presenta un grafico di proyeccion di aña 2021 te cu aña 2030, cu ta indica cu como 17 Docter di Cas lo baha cu pensioen. Tambe a bin acerca cu den 2021 y 2022 un total di 6 Docter a stop cu nan Consultorio. E baymento trempan aki a pone cu tin scarcedad na Aruba.
Consecuencia ta cu cada Consultorio awor tin mas pashent registra eynan. Esey ta aumenta e presion di trabao, y ta crea un presion enorme di e presupuesto di cuido. Pa aña 2030, Aruba lo mester tin entre 65 pa 70 Docter di Cas den servicio!
Pero Dr. van Trigt a trece dilanti, cu Docternan interesa pa bin traha na Aruba lo keda encanta pa topa riba e isla un bon clima, beach bunita, y pashentnan trankil. Despues di trabao, e Docter por tin hopi mas tempo priva, y bo permiso di trabao lo por wordo atendi sea door di AZV, of door di Hospital, of si acaso bo ta bay traha pa val-in pa un Docter di cas, e tambe por yudabo cu esey. A mustra tambe cu na Aruba tin scolnan cu ta duna les na diferente idioma.
Por a compronde, cu e lasonan cu AMA ta fuerte y esaki ta un bon fundeshi pa asina HAVA tambe via e relacion aki por atrae mas docternan di cas pa Aruba.
