PHILIPSBURG: Abogado Melinda Hoeve, kende ta traha cu bufete di abogado Hoeve & Rogers na St. Maarten, a fayece despues di un lucha contra malesa.
Recien el a caba di regresa for di Hulanda despues di a sigui tratamento medico extensivo, pero tragicamente no por a salba su bida.
El a nace na Curaçao y a crece na St. Maarten, y na 1996 despues di a obtene su diploma di VWO, a bay studia na Leiden Universiteit pa sigui su amor pa ley. El a gradua na 2001 cu un grado di Master’s den Ley, specializando den Ley Civil, y durante su estudio, e tabata activamente envolvi den Sociedad SIAA di ley di Antiyas y Aruba.
El a regresa St. Maarten y mesora a cuminza cu su carera legal. Na 2015 hunto cu su colega Jason Rogers, a funda e bufete, y a bira hopi conoci pa nan representacion legal y bon detaya den henter Caribe Hulandes. Su dedicacion na clientenan a pone haya hopi respet den comunidad legal. E tabata sigui yuda cu lesnan na Universidad di St. Martin. E tabata un miembro di hopi tempo di St. Maarten Lions Club, incluyendo e funcion di President, y yuda den hopi Hunta Directiva di organizacionnan gubernamental. Palabra di condolencia na famia, colega- y amigonan.
