ORANJESTAD (AAN): Despues di a warda 3 siman, porfin e ganador di e premio gordo di Mini Mega y Mega Plus a dicidi bay cobra su premio.
Pero ta abogado mr. Duijneveld ta esun cu a presenta pa cobra e premio.
Manera ta conoci, pa 3 siman no a tende nada di e ganador di e sorteo di 11 Juli 2023 di Mini Mega cu a produci e numbernan: 03, 06, 12, 23 cu megaball 13. E persona cu e ticket a gana 480.000 Florin.
A opta pa abogado mr. Duijneveld bay busca e premio. E computer a confirma cu e ticket a gana 480 mil Florin.
E ticket ganador a wordo cumpra na Super Food Plaza.
