PHILIPSBURG: Diaranson mainta trempan Polis di St. Maarten a ricibi yamada di hendenan canando banda di Down Street y a mira un curpa ta drief den lama.
Polis a yega pero no a mira nada di curpa. Asina a pidi Wardacosta di Caribe Hulandes pa yuda den e buskeda.
Despues di un buskeda extensivo, Wardacosta a haci uso di un drone cu a bula y asina a mira unda e coriente di lama a hiba e curpa, y a yega cerca. A bin haya un curpa masculino sin bida.
Asina a hibe bek na oriya di lama unda Recherche y team forensico a cuminza cu investigacion. Causa di morto ainda no a wordo determina, y riba e curpa no a mira nada di violencia. E investigacion ta sigui.
