A sali na cla cu Parlamentario Gunn tabata manda pregunta pa e Ministro robez

ORANJESTAD (AAN): Recientemente Parlamentario Aquanette Gunn di Partido MAS a manda un serie di pregunta na Ministro di Labor, Glenbert Croes.

   DIARIO a nota cu Diaranson 12 di Januari 2022, cu Ministro Croes a manda un contesta, y a agrega raport di Departamento di Labor y Investigacion (DAO) riba e cifranan di mercado laboral 2020 cu a ricibi 10 di Januari cu a pasa.

   Gunn a lanza algun pregunta basa riba e sumanan genera door di e recorte di 12.6% (solidaridad di parti di trahadonan publico, semi-publico y companianan estatal)

    (Pregunta 13). Den cuadro di transparencia. Minister por facilita Parlamento un ‘overzicht’ loke pais Aruba a genera mensualmente for di Juni 2020 te cu fin di October 2021 na e recorte di 12.6%?

   Ministro Glenbert logicamente a splica e nobato Gunn, cu esaki ta un pregunta pa colega Minister di Finanzas.

   (Pregunta 14). Minister por facilita Parlamento un "overzicht" di e suma colecta mensualmente di cada departamento di gobierno, di esnan semi-gubernamental y di e companianan estatal?

    Ministro atrobe a bisa Gunn, cu esey ta un pregunta pa colega Minister di Finanzas.

   (Pregunta 15). Minister por informa Parlamento cuanto ta e suma paga mensualmente na FASE for di juni 2020 te cu fin october 2021?

   Por mira por medio di e tabel manda door di Directie Financien, pa luna di

October y November mester lesa October 2021 y November 2021.

   (Pregunta 16). Den cuadro di transparencia. Minister por facilita Parlamento un 'overzicht' di tur departamento publico, semi-publico y companianan estatal cu NO a implementa e recorte di 12.6%?

    Ministro Glenbert a bise cu esaki ta pregunta pa Minster di Finanzas.

   (Pregunta 17). Den cuadro di transparencia, Minister por facilita Parlamento un "overzicht' di tur departamento publico, semi publico y companianan estatal cu a opta pa un otro ‘deal’ pa loke ta trata e recorte di 12.6% y den ki forma nan a haci esaki?

   Ministro Glenbert a bise cu ssaki ta pregunta pa Minster di Finanzas.

   (Pregunta 18). Minister por informa Parlamento si Gobierno a acepta e "deal" nan aki of a impone sancion ya cu e recorte aki a wordo implementa pa medio di un Ley?

   Ministro Glenbert a bolbe bise cu esaki ta pregunta pa Minister di Finanzas.