Nan a coregi esaki awor - ORANJESTAD (AAN): Un boletin oficial di Conseho Electoral, y Hoofdstembureau a mustra cu ora cu nan a cera e Registro di Votado riba cu a cera riba Diaranson dia 7 di april 2021, e Registro a cera cu un total exacto di 70.281 votado.
Riba e website di Censo, pa yuda pueblo, a pone e Voter’s checktool pa controla si bo persona ta aparece den e Registro di Votado, y pa bo haya sa unda bo ta bay vota.
Mientras tanto dos persona a presenta na Censo, y declara cu nan no ta aparece den e Registro di Votado.
Censo a bay investiga esaki, y despues di investigacion a resulta cu e dos personanan aki tin derecho di voto y a worde añadi na Registro di Votado.
A base di esey, awor Urna number 31 (Pius X School II) a worde añadi 1 votado. Tambe awor Urna number 65 (YMCA San Nicolas ) a worde añadi 1 votado.
Pues 70.283 votado tin awor oficialmente pa Diabierna 25 di Juni 2021.
