CORO: Un grupo di boluntario, hunto cu autoridad,
a rescata Dialuna cu a pasa mas di 200 dolfijn cu a keda stagna na un beach di Morrocoy, na estado Falcon. Dado momento esaki a bira un operacion rapido, pa asina debolbe e animalnan aki bek pa lama Caribe.
Kico a socede cu e Dolfijnnan aki a tuma rumbo pa tera den e zona aki no ta conoci. Hecho si ta cu lama ta raro den e area ultimo tempo.
Na final di dia, nan a rescata mas di 200 Dolfijn cu a keda stagna na Parque Nacional Morrocoy. Solamente uno di nan a muri, y el a wordo pasa pa man di biologonan marino pa investiga y haya sa e motibo di e suceso. Esey ta loke Ministro di Ecosocialismo, Josué Lorca a declara.
El a keda hopi agradecido na e monton di boluntario, trahadornan, piscadornan, y Park Rangernan cu hunto cu veterinarionan y biologonan marino a start e trabao di rescate y trata di reorienta e Dolfijnnan aki pa nan sali bek rumbo pa lama grandi.
En total mas di 150 persona a participa activamente den e rescate cu a socede abruptamente asina, y esaki a bin debi cu nan a bin pega riba e beach cu ta haya hopi hende di bishita, como cu e ta un di e principal destinacion turistico di Venezuela.
https://diario.aw/categories/noticia/general/a-rescata-mas-di-200-dolfijn-na-parti-zuidoost-di-estado-falcon#sigProIde3a3277955
