A presupuesta 18 miyon florin pa por paga mitar di e recorte di 12,6% den aña 2022

Minister Maduro di Finansa ta informa: ---  Ta warda decicion di Conseho di Minister di Reino

ORANJESTAD (AAN)- Durante conferencia di prensa Minister Maduro a brinda informacion riba e concepto di Presupuesto pa aña 2022. E mandatario a splica cu a presupuesta 18 miyon florin pa asina por paga mitar di e recorte di 12,6% den salario y beneficio di e empleado publico. E suma aki ta refleha den un subida di gasto di 8 miyon na Gasto di Personal y un subida di 10 miyon na gasto di Subsidio.

            E recorte di 12,6% ta un condicion pa haya sosten di likidez di Hulanda, pesey pa por paga e mitar di e recorte di 12,6%, Gobierno a manda pidi Conseho di Minister di Reino pa por haci e gasto extra aki den Presupuesto 2022. Aruba ainda no a haya un contesta.

            CAFT den su conseho na Gobierno riba Presupuesto 2022, a pidi pa kita e suma presupuesta pa paga e 50% di e recorte, pero Gobierno a reacciona bisando cu ta warda e decision di Conseho di Minister di Reino y lo haci cambio si ta necesario.