ORANJESTAD (AAN): Prome Minister Evelyn Wever-Croes a duna di conoce cu durante di tur e añanan aki a pasa tur e leynan cu mester a wordo pasa pa aumenta e castigonan relaciona cu abuso sexual di menor.
El a agrega cu a introduci castigonan mas halto, a introduci e meldpunt cual ta un punto unda e casonan aki por wordo gemeld pa asina por cuminsa tuma accion.
Wever-Croes a enfatisa cu tin trabaonan pa haci ainda riba e tereno aki definitivamente y esey lo wordo poni como prioridad, a bisa.
El a laga sa tambe cu ta un team dinamico e gobierno aki tin cu caranan ya conoci como tambe cu caranan nobo cu experiencia cu lo sinta traha riba tur e retonan cu tin cual ta entre otro e pandemia, economia, finanzas, turismo, pa menciona.
Nan tur lo sinta lora man despues di e huramentacion, ya cu e retonan ta grandi, a expresa.
