Minister Croes:
ORANJESTAD (AAN): Minister di Enseñanza y Deporte Endy Croes Dialuna den un conferencia di prensa a papia riba un opleiding riba nivel Master, pa Sport Management y Event Management.
“Den e vision di Sport Tourism, Gobierno y otro stakeholders manera ATA, Lotto pa Deporte y AHATA ta sintando hunto y ya caba a aloca fondonan pa cierto evento internacional deportivo por tuma lugar na Aruba”.
Ya caba nos a scoge 10 persona pa nos prepara nan riba un nivel di Master.
Esaki segun Croes, kende a indica cu e idea ta pa pone 3 persona di e 10 disponibel pa cada organizacion cu bin na remarke pa ricibi e fondonan aki pa organiza algo internacional, pa e evento ta di un bon nivel y standard.
E personanan lo sa con pa organiza un bon evento, despues di cual no skirbi un rapport financiero na final di e evento.
“Nos kier cuminza cu organiza 2 evento cada aña y pa cu esey na November nos a firma un acuerdo cu University of South Carolina”, segun e mandatario.
El a splica cu profesornan di e Universidad ta bay ta na Aruba na diferente occasion na Maart, April, Mei y Juni, pa prepara nos hendenan pa organiza y rond un evento internacional.
