A dialoga profundo riba infrastructura di algun scol

ORANJESTAD  (AAN): Siman pasa Minister Endy Croes a reuni cu directora di SKOA, sra. Anuesca Baly. Durante e reunion fructifero a repasa diferente punto di atencion.

            A dialoga profundo riba infrastructura di algun scol di SKOA manera St Aloysuis School y tambe riba algun scol cu ta den necesidad pa drecha nan instalacion di coriente pa asina por pone airco.

            Banda di esaki a papia di e problemanan den veld di enseñansa manera “invallers” y tambe di e scarsedad di SMW’rs.

            SKOA a mustra su boluntad pa traha hunto pa resolve diferente di e problematicanan aki.

            Den siman benidero trabaonan lo continua den estrecho comunicacion cu entre otro SKOA y ekipo di maneho di otro scolnan unda lo keda reuni frecuentemente pa logra solucionnan tan anhela.