Famia ta pidi cooperacion di comunidad
ORANJESTAD (AAN): Noah ta un mucha homber di 6 aña di edad, kende ta soña cu un dia e lo por cana y papia independientemente.
Tempo cu Noah tabata un baby di 12 luna, e mayornan a ripara cu algo no ta bon cu su pianan. El a cuminza ricibi tratamento cu gips pa coregi su pianan, y despues a ricibi cirugia tambe. Prome cu su cirugia, Noah tabata por a bisa algun palabra, sinta riba su mes, lanta para cu sosten, y tuma pasonan chikito.
Despues di e operacion, Noah a perde hopi di e habilidadnan ey. El a bira mas y mas stijf, no por a sinta mas riba su mes, ni para of cana, y tampoco papia, y pesey tabata mester di haya cuido specializa mas avanza compara cu loke tin na Aruba.
Tempo cu specialistanan na Colombia a evalua Noah, nan a divulga cu e tin ‘cerebral palsy’. Nan a recomenda terapia intensivo y tratamentonan di Botox. Danki na e tratamentonan aki, Noah a demostra mehoramento significante y a duna e mayornan e speranza cu e lo por sigui progresa.
Desafortunadamente, terapia intensivo no ta disponibel na Aruba, y awor e docternan di Noah ta ni manda peticion mas pa ricibi tratamento den exterior, pasobra nan ta pensa cu e Compania di Aseguro lo no aproba nan mas.
Pesey awor, a start cu e campaña aki di GoFundMe. Nan meta ta pa recauda $50.000 pa asina Noah por viaha pa Colombia cada cuatro luna, pa ricibi cinco luna di terapia intensivo y tratamento specializa.
Cada donacion lo bay directamente pa cu e tratamento medico di Noah, gastonan di viahe, acomodacion, ekipo specializa, y cuido continuo.
Pa haci donacion bay na e website aki:
Nan ta pidi comunidad pa yuda, y nan no ta worry cu e suma cu bo duna, pasobra cada donacion lo trece Noah un paso mas cerca pa por bay cana, papia, y goza bida un biaha mas como mucha.
Si acaso bo no por haci donacion, pensa un rato pa conta mas hende di e storia aki di Noah, kizas bo famia, bisiña, of amigonan. Laga nan mira e relato aki, pa nan haya sa unda nan por haci donacion. Tur sosten, oracion, y cariño ta nifica hopi pa e famia.
Si bo kier transferi placa direct, manda esaki pa Account di Maria Altagracia Willems, na Banco di Caribe #81164401. Nan lo ta eternamente agradecido.
