ORANJESTAD (AAN): Durante e conferencia di prensa di tur Dialuna, minister di Enseñanza Rudy Lampe a indica cu siman pasa a cuminza cu ehecucion di e Landenpakket pa loke ta Enseñanza.
“Diasabra pasa e delegacion di Hulanda cu a cuminza cu e ‘doorlichting’ a regresa Hulanda, despues di un siman intensivo haci”.
Manera nos a anuncia caba, nos mes prome cu COVID-19 a pidi pa un doorlichting di nos sistema di enseñanza tuma lugar, door di Inspectie Onderwijs di Hulanda, segun Lampe.
El a splica cu e tempo ey e no por a wordo carga financieramente, pero aworaki cu el a bira parti di e condicionnan dentro di e Landenpakket e doorlichting a wordo aproba.
Segun e mandatario demisionario, tabata tin 4 inspector di Hulanda cu tabata na Aruba y a hiba dialogo cu diferente stakeholder di enseñanza.
“Nos tin cu bisa cu Aruba ta e prome pais cu cual Hulanda ta inicia e doorlichting aki di enseñanza”.
Despues lo sigui St. Maarten y mas pa dilanti Corsow.
A keda palabra cu na September lo tin un proximo bishita di e delegacion aki, cu lo continua cu nan investigacion, segun Lampe.
El a sigui bisa cu pa October lo por spera e rapport cu nan recomendacionnan
