Lizayra Polak ta yuda recauda fondo pa Fundacion CVA,
ORANJESTAD (AAN): Mañan Diadomingo, 2 di november lo tuma luga un evento pa recauda fondo pa Fundacion CVA na ocacion di nan 20 aniversario. Señora Lizayra Polak ta splica DIARIO mas di e charla tocante menopausa y longevidad (biba largo) entre otro temanan importante.
Señora Polak, un ‘Menopause Coach’, a splica cu hende muhe, despues di 40 aña ta pasa den hopi cambio y sintomanan, pero hopi biaha no ta informa di e cambionan aki y ta drenta den panico y ta bay docter. Doctornan hopi biaha no ta relaciona e cambionan aki cu transicion hormonal. Na momento cu e hende muhe comprende kico ta pasa cu su curpa, e ta cambia su mes y biba mas trankil.
Diadomingo awo, na Teresita Center, San Nicolas, cuminsando di 10or di mainta pa 2or di atardi, señora Polak lo comparti informacionnan hopi valioso tocante e cambionan hormonal, menopausa. Señor Dr. Yves Schoop lo hiba conbersacionnan con pa biba mas largo cu bo expectativa di bida y tratamentonan alternativo pa yuda biba saludabel y keda cu vitalidad halto.
