Yunes Guzman ganador absoluto categoria Senior den Campeonato di hisamento peso

ORANJESTAD (AAN)- Aruba Amateur Weightlifting Association (AAWA) a organisa Diadomingo ultimo e campeonato nacional di hisamento di peso.

Aquí ta sigi cu resultado den categoría di masculino. 

Den categoria di 61kg nos ta haya Wu Diteng cu un total di 110kg ta sali na prome lugar. 

Categoría di 67kg prome lugar a bay pa Jose Balbino cu total di 181kg y segundo lugar a bay pa Chris Sarmiento cu mesun total 181kg. Regla di IWF e Atleta Balbino cu a hisa e total prome ta sali na di prome lugar.

Categoría di 81kg prome lugar a bai pa Yunes Guzman cu total di 235kg y segundo lugar a bay pa Zyqion Soekand cu total 173kg. 

Categoría di 89kg prome lugar a bai pa Rene Rudel cu total do 225kg, segundo lugar pa Americo Thijzen cu 210kg total y tercer lugar pa Leo Maduro cu 205kg total. 

Ultimo categoría di 96kg prome lugar a bai pa Laertes Araque cu un total di 157kg, segundo lugar a bai pa Jeremy Dijkhoff cu un total di 255kg y tercer lugar pa Thomas Arends cu un total di 228kg 

Na final di e Campionato Nacional Sra. Soraida Boekhoudt Presidente di Aruba Sport Unie a entrega trofeo na e ganadornan absoluto. 

Trofeo pa e ganador absoluto den categoría di Junior a bai pa Laertes Araque di club TNT Gym, sigi na di segundo lugar pa Jeremy Dijkhoff di ,club E2Rep y tercer lugar pa Wu Diteng di ,club PSA. 

Trofeo pa ganador absoluto den categoría di Senior na di prome lugar pa Yunes Guzman di club PSA, segundo lugar pa Kevin Cayama di club E2Rep  y tercer lugar pa Zyqion Soekander di club E2Rep 

Por ultimo den categoría di Master Rene Rudel ta sali na di prome lugar y ta e ganador absoluto, segundo lugar a bay pa Thomas Arends y tercer lugar a bai pa Jose Balbino