White Sharks a pasa pa final di Big League 2021

ORANJESTAD(AAN): Den fin di siman cu a pasa Sunrise City White Sharks a logra gana Stars 2-1 Diasabra y tambe Diadomingo cu e mesun score, pa asina pasa pa e gran final di Big League 2021.

Mihor bateadornan pa Sharks Diasabra tabata Jair Dijkhoff 1-1, Bradley Rincones 4-2, Dyreson Wouters 2-1 y Jeandrick Croes 3-1.

Pa White Sharks e mihor bateadornan tabata Jorgell Diaz 4-2, Daveny Lynch 3-1 y Djouhanson St. Germa 3-1. White Sharks awor ta wardando pa e ganador di e serie entre Quality Chiropractic Sluggers Grasshopper y Hammersharks.

Diasabra awor den Stadion Nadi Croes/Crismo Angela ta bay tuma lugar e wega decisivo entre Grasshopper y Hammersharks, pa determina ken ta hunga e final contra White Sharks.

E gran final ta un dia despues, esta Diadomingo 13 di Juni.