Weganan di Competencia national di Volleyball  ta sigui na Centro Deportivo Betico Croes

Diaranson, dia 17 di december

ORANJESTAD (AAN): Diabierna 12 di december 2025 den un Centro Deportivo Playa (Colegio Arubano) a tuma luga e weganan di competencia national di Aruba su volleyball organisa door di Aruba Volleyball Assosiation.

E anochi aki e team Hitters Volleyball a enfrenta e team di Fast Breakers 2 den categoria U-

15. 15. E damitanan di Hitters a hasi nan best pero asina mes no a sa di gana e wega aki cu a termina 2-1 na favor di Fast Breakers 2. E prome set Hitters a sa di gana esaki cu e score di

27-25, pero e di dos set Fast Breakers a si di bin bek y gana esaki cu score di 25-13, y den e di tres set Fast Breakers 2 a sa di gana esaki cu e score di 15-13. Remarcabel ta cu scorenan ta hopi cerca di otro cu ta hasi cu e wega tawata uno hopi preta.

Diasabra día 13 di december e campeonato a continua y aki den e categoría di U-19 Hitters Volleyball a enfrenta e team di Fast Breakers.  E team di Hitters implementando prome biaha e sistema 6-2, cual básicamente ta un único team den e categorianan aki cu ta hunga e sistema aki, mirando cu otronan ta hunga 4-2 of 5-1, a sa di gana e prome set cu e

score di 25-21 mientras cu den di dos set Fast Breakers a bin bek y gana e set cu 25-17, e di tres set e dos teamnan tawata bai cabes cabes riba punto y un momento tawata empata

na 13-13 y aki 2 fout crucial a wordo cometí door di Hitters Volleyball cu Fast Breakers a sa di gana e set aki cu e score 15-13.

Tur dos anochi a pesar di a perde 2-1 e team di Hitters a sa di saca toch 1 punto for di e weganan aki.

Diaranson awo día 17 di december weganan di competencia ta sigui na Centro Deportivo Betico Croes, unda cu e team di A-klas dames di Hitters Volleyball lo ta enfrentando e team di ALL SET VT pa 7or di anochi. Un wega cu sigur lo ta mustra uno interesante como cu e 2 equiponan aki tin hungadornan cu trayecto largo den e mundo di volleyball combina cu sanger nobo y jong.