Weganan candeloso di Ping Pong ta sigui

ORANJESTAD (AAN): Na sede di Club Estrella na Santa Cruz, a sigui cu competenciannan di Ping Pong.

  Por nota cu cada participante ta yega bon prepara pa asina duna nan mihor prestacion riba mesa.

   Aki DIARIO ta presenta resultado di Diamars anochi, di Copa Aruba Team categoria B-klas.

   E team di Museum Table Tennnis Casa Rosada, a gana Los Lobos cu 3-0 den un candeloso wega.

   Fuera di esey, e team di Aruba Doet a gana Tiger Table Tennis cu score di 3-1.  Esaki tambe den un wega basta strak.   Asina e weganan lo bay sigui.